Հարգելի՛ ընկերներ, շուտով ընտրություններն են, և մեր առաջ ճակատագրական օր է։ Հորդորում եմ բոլորիս գնալ ընտրությունների և կատարել մեր պարտականությունը։ Եվ, իհարկե, կատարե՛ք ձեր ընտրությունը խղճով, մի՛ ենթարկվեք մանիպուլյացիաների։ Մի՛ լսեք այն մարդկանց, որոնք համոզում են ձեզ, թե ամեն ինչ արդեն որոշված է։ Ընտրե՛ք սթափ և գիտակցաբար։ Համենայն դեպս, պատասխանատվությունը միայն մի քվեաթերթիկ չէ, սա մարդու ապրելակերպ է։
Եվ ամենակարևորը՝ սիրե՛ք և հարգե՛ք իրար՝ անկախ նրանից, թե ում է ընտրել դիմացինը։ Այս աշխարհում, առավել ևս մեր տարածաշրջանում, չկա ավելի մոտ և հարազատ մարդ, քան ձեր դիմացինը:
