ՀՀ ոստիկանությունը փորձարկում է պարեկային մեքենա, որը ֆիքսում է ղեկին հեռախոսից օգտվելու դեպքերը

Հայաստանի ոստիկանությունը փորձարկում է պարեկային մեքենա, որը ֆիքսում է վարորդների ձեռքին առկա բջջային հեռախոսները։ Այս մասին խորհրդարանական հանձնաժողովների մակարդակով 2025 թվականի բյուջեի կատարողականի հաշվետվության լսումների ժամանակ հայտարարել է ՀՀ ներքին գործերի նախարարի տեղակալ Արմեն Ղազարյանը։

Նրա խոսքով՝ պարեկային մեքենայի վրա տեղադրվելու է համապատասխան սարքավորում, որը թույլ կտա 360 աստիճան շառավղով հսկել անցնող մեքենաները։
Նա հստակեցրել է, որ խախտում է համարվում ոչ միայն ղեկին բջջային հեռախոսով խոսելը, այլև SMS հաղորդագրությունների միջոցով շփվելը։

Փոխնախարարը նաև նշել է, որ 2026 թվականի սկզբից ի վեր վարորդների կողմից բջջային հեռախոսներից օգտվելու փաստով կազմվել է 19 հազար արձանագրություն, իսկ 2025 թվականին՝ շուրջ 40 հազար։