Քանի օր առաջ՝ անցնելով Սևան փողոցով՝ Սասունցի Դավիթ մետրոպոլիտենի մոտ, ես զգացի գազի ուժեղ հոտ։ Քանի որ շատ էի շտապում, «Ակտիվ քաղաքացի» հարթակով բացեցի հայտ, չնայած վստահ էի, որ ինձ կմերժեն։ Եվ, իհարկե, մի քանի ժամ հետո ստացա պատասխան, որ ներկայացված խնդիրը Երևանի քաղաքապետարանի լիազորությունների շրջանակից դուրս է։ Հետևաբար ես զանգեցի 104, և տվյալ խնդիրը 10 րոպեից լուծված էր։
Հիմա պատկերացրեք, որ նման բաների վրա բոլորս փակենք աչքերս՝ ասելով. «Թող համապատասխան ծառայությունները դրանով զբաղվեն, ես հարկեր եմ տալիս, ինձնից ի՞նչ եք ուզում»։ Հետագայում անտարբերության պատճառով կտուժեն մեր հայրենակիցները։
Անտարբեր մի՛ մնացեք։